Misual.com a ka post ve hmasa berah hian Mizoram Missionary hmasa ber chungchanga ngaihdan dang, Khasi pa hnen atanga ka dawn tawitein ka rawn ziak a. A duh tan http://www.misual.com/2009/10/23/kan-missonary-te-kha/ hian a chhiar theih a.

Tunhnaiah pawh a ri leh ta zeuh zeuh a; hman deuhah pawh Kolasib-a Khasi ram Missionary rawn kalna hmunhma chu Mizorama missionary thlenna hmasa ber hmuna cheibawl uaih uaih te a ni thul a. Kan sawi ho nak nak pawhin Pu Buanga leh Sap Upa te chu Missionary hmasa berah kan pawm tlang ta tho anih kha.

Hmanni deuh lawkah Thalai inkhawm kan neihin, ka zirlaipui hian Missionary hmasa ber nia a hriat a rawn sawi ta mauh mai. Duh aiin he thu hi a lo kangkai nasa tawh anih dawn hi ka ti ta rum rum a.

Rev. William Williams kha 1981 ah khan a rawn lawr ngei tih chu hriat a ni a, Synod website atanga a landanin; amaherawhchu, missionary ang taka rawn lut  ni lovin ram rawn thlithlai satliah mai a ni tih hi kan inhrilh nawn fo pawh a va tul em.!!

Engvangin nge Arthington Mission kher khan Pu Buanga leh Sap Upa hi an rawn kal tih hi ka ngaihtuah nasa thin hle a. A chhanna nia ka hriat tak ber chu, tun ang hun, kohhran(denomination) inpawngnekna hun atan chiah hian a lo nih dawn hi ka ti rilru ta a ni.

Mizote hi chu, intihkhawm let let hrat, thil tha leh mawi, duhawm apiang mahni nena in chhuizawn tum phet mai; a tha lo lam thung erawh chu mahni tih reng pawh ni se pha tlat, video mawi lo deuh hlek lak avang pawha vengchhung atanga nula inluah hnawtchhuak ur ur duh kan ni tlat a. Tun ang hun, Krista Chanchintha aia Kohhran ram zauh kan ngaihtuah tlatna leh,  Mizorama chanchintha rawn thlentute pawh kan inchuh hun atan hian a ni thei angem???

Arthington Mission kaltlanga Pu Buanga leh Sap Upa an rawn kal hi, tu kohhran mah hian kan kohhran rawn tirh hmasak ber tiin kan sawi thei lovang.

Chuvangin, Pu Buanga leh Sap Upa ten hun harsa leh khirhkhan tak tak paltlanga, min hmangaih taka hrehawm pawisa lova an inpekna kan chawimawi a, Mizorama Missionary hmasa ber, Chanchintha mei rawn chhi chhuaktu an nihna hi he kan kohhran bang avang hian i chhuhsak lo hram teh ang u.!!!!

Awle Pathian kan nihna kan sawi tawh a, MI NUNG kan nihna lo sawi ve tawh ila; a helh deuh chuan in lo helh leh âwl âwl mai a ni ang chu.

Nunna Lalrama mi nung nia dingte chanvo ropui tak kan sawi dawn a ni a, chumi rual chuan Nunna Lalrama ding lo te dinhmun chu; he rama ding te chuan kan hmu fiah thei àwm e.

‘PATHIANA SIAMA KA AWM CHINAH MI NUNGA CHU KA NI TA’

Nunna Lalram chhunga chatuan nunna taksaa dingte chu mi nung, chatuana thihna tem lo tura nung an nih thu kan sawi tawh a. Tunah pawh hian kan han hre leh ta phawt mai a ni.

Kan hringnun tisa hi lei a mi niin, a thih hnuah chuan a hringchan tisa a din hmain a nun tak zawk, a chatuan nunna taksa chu he leia mi ni loin, chatuan leilunga ding Pathian chu a ni a, chutah chuan ‘MI NUNG’ a ni tih a lo hriat khan, “Pathiana siam ka nih chinah chuan mi nunga ka ni e,” tiin kan lo sawi thei ta a ni.

Mi tupawhin a hringchan tisa a din lai reng pawha a nihna tak Lalpa’n a pek chu, chatuan leilungah Nunna Lalram chhunga chêng a nih zia leh, chu mi hmunah ngei chuan chatuan nunna taksa neiin a ding a, Pathian nung chu a ni tih a hriatna kaltlanga Lalpa’n a puansak chu a nihna anga a pawm chuan, “MI NUNG” a lo ni daih tawh a ni tih hi chatuan thutak a ni. He chatuana mi mung kan nih puan chhuahna hi “Nunna Thutak” chu a ni a, chatuan nunna taksaa Pathian kan lo nihna hmun hi a nihna takah chuan, “Chatuan Nunna Lungphum” a ni.

“THIHNA A BO ZO TA”
Kan Zoram mipui tamberte chu Kristianna dawi âtin an awm mek a. Anni chuan an pathian Isua Krista ringtute chu chatuana mi nung an ni ang a, Pathian Paradise-ah chatuana mi nung niin an chawl ang a; Isua ring duh lotute erawh chu chatuan boralnaah kalin hremhmunah na tuar rèng rèngin chatuanin an awm ve dawn niin an ring tlat a, an pawm nghet bur mai a ni. Chatuan boralnaa kal na na na chatuana na tuar tura nun leh tlat theih chu thil mak tak mai a ni! An thurin Bible pawh an kalh chiang hlein a lang.

An sawi Isua khan, “A ring chu chatuan nunnaah an kal ang a, a ring lo chu chatuan boralnaah,” a ti a. Tin, mihring chu a thihin leiah vaivutah a chang a, ramsate pawh vaivutah an chang leh a. Mihring thlarau chu chung lamah a chho a, ramsa thlarau chu hnuai lamah, leiah a chhuak tih tunge hria. A hnua thil lo awm turte hmu turin tunge rawn hruai kir leh ang?” a ti bawk a. Tin, “Rei lo teah mi suaksual chu a awm tawh dawn si lo a, A ni, a awmna hmun chu en en mah la, i hmu tawh lo ang,” a ti bawk a ni.

Nunna Lal fate erawh chu chatuan nunna taksa leilungah chuan kan nung a, chutah chuan thihna a awm ve ta lo a ni. Thihnain hmun a chang ve lo. Kan thuhriltu chuan chatuan taksaa dinna hmun chu mi nung ram a nih avangin nunna ram a ni tih min hrilh a ni. Chu hmunah chuan mi sual hrem tur an awm ve loh avangin hremhmun a awm ve lo. Hremhmun awmna zawk chu hringchan tisa ramah a ni.

Chatuan nunna taksa leilungah chuan Nunna ram a nih avangin boral fa a awm ve theih loh. Mitthi na na na mi nung zingah awm ve reng theih a nih loh avangin boral an awm ve lo a, chatuana mi nungte chauh awmna a ni. Chatuana boralte awmnaah pawh chatuana mi nung a awm ve theih loh. Mitthi zingah mi nung awm ve reng chi a ni lo e, an rim a chhiat avangin. Kan thuhriltu chuan chatuan boralna chu hremhmun a ni tih min hril a ni.

‘HREMHMUNAH NA TUAR RENG AN AWM LO E, TUARTU ZAWNG ZAWNGTE TAN PAWH BORALNA A NI ZAWK’

Hremhmun chu boralna a ni a, boralna hmunah chatuana na tuar awm thu a awm lo reng a ni. Mitthi hi boral kan vuah loh ni a thleng a nih erawh chuan natuar thawm te chu an hre mahna. Mi nung rengte tan chuan boral tluka rapthlak a awm lo a, mi an thih pawhin, an hringchan tisa chu khawvelah hmuh leh tawh loh tur a han nih zet khan kan lung a leng a, kan khua a har thin a ni.

Zin bo mai mai chu hmuh leh tur a nih kan ring a, lo kir leh tur a nih kan hre â–¶hin a, anni kan ngai lo ni loin, kan sûn em hlei nem ti rawh u… Mitthi erawh chu an thi a, kan hmu leh dawn tawh lo tih kan hre chiang a, kan sûn thin a nih hi. Pathian kan nihna hmunah chuan boralna a awm lo a, nunna, chatuana nunna ram a nih avangin hremhmun a bo ta a ni.

August thla chawhnu lam ani tawh a, boruak lum vawng daitu tura Pathianin Natural Air Conditioner min pek ruahtui pawh a hul tan ta a, Thitin thla leh Khuangchawi thla kan la chuangkai bawk si lova, boruak chu a lum uap churh mai a ni. Ka thiannu ha-nget hnawh tir kan tum a, mi an tam lutuk lo nain, pakhat khawih chhung pawh a rei duh hle mai. Waiting room-ah pawh chuan ka awm reng peih lova, bathlar, kawngpui bul maiah chuan ka thuchhuak ta zawk a.

Chutia tihtur a awmloh lutuk avanga hun khawhral nana Facebook leh misual.com ka luh chhawk chhen lai chuan, tlangval pakhat sam bal leh hreu bum mai, kawr ha lo, balh hmel em em mai hi ka bula kawngpuiah chuan a lokal ta a. Kekawrbul ang reng deuh chu a ha ve bawk a, mahse a elastic chu a rul tawh hle tih hi a hriat a, a thler hniar sung mai bawk a. A serh hmul te chu a lang vek a, a Sazu tak erawh chu, a lang bik chiah lo deuh a ni.

Ka rilruah cuan Matthai bung 25:36 thu, “Saruak ka nihin puan mi sin tir a” tih kha a rawn lang a, tanpui chakna a rawn lang thut a, mahse, ka chetchhuah hmain min kal pel hman tawh a, a hnunglamah phei chuan a kekawrbul hak ve khan hliah a lawi a lo nei tawh lo va, a mawngtam a pan awm luai mai pawh chu a lang chiang hle mai. Tanpui duhna thinlung ka pu viau na a, ka chet chhuah tak tak hmain akal liam hman ta a. Pathian thu bawk chuan min rawn deng leh a, “Thil tha tih tur hria a, ti si lo chu, a tan sual a ni” tih kha. Pathian lakah pawh chuan inthiam chiah lo deuh chungin, “Ka tanpui hman lo a lawm” tih rilru puin ka inthiam chawp deuh ta a ni.

Mahse, mak tak maiin, a rawn let leh ta kher a!. Chutah zet zawng, Pathian tirh a nih rinna ka nei ta tak tak a, ka va pan ta chawt mai a. “Hey” tiin ka han au ta ngawt a, a ding ve ta chut mai a, chutah ka va panhnai ta a, khawlaia mi dawr kawta thawmhnaw mantlawm te te an zawrhlai an khaite chu kawk pahin, “Saw laia thawmhnaw an khai saw lei sak I duh em? Kekawr tal chu ka lo leisak ang che chu” ka han ti ta rawih mai a. Ani chuan, fiah ang reng tak hian, “Aih thawmhnaw chu ka duh lo, cheng sawm min pe zawk mai rawh” a ti ta teh tlat a! Tichuan ka wallet ka han phawrh a, cheng sawmhnih chu ka pe ta a. A Lawm kher mai.

Ka ngaihtuah zui nasa ta mai a, a tlawmngai ve te pawh a ni thei a, engahnge kekawrbul tal kha chu ka lo lei sak luih loh le aw, Pathian hian engtin tak min ngai ang maw? Tiin ka rilru chu a hlim viau laiin, inthiam lohna ruk deuh chu ka nei ru ta tho a ni. Ka hma lak dan hi a tawkin a awm ve thoin in hria em? Engtin nge ti ila, tha ber awm a in hriat le? Min han hrilh teh u.

Hemi ni hi Second Saturday a ni a, Hostel naupang an nu leh pa ten an rawn hruaichhuak deuh vek a, mahse, hmun hla a mi 10 rual vel hi lachhuaktu nei lovin an cham bang thin a. Chtianga chambang an awm tawh chuan, kan fate hian, min theihnghilh thak deuhthaw hian an kawm ta thin a, an bulah chaw an ei a, zanah pawh an bulah an riak ve mai thin a ni. Hemi ni pawh hian, ka fapa te ber chuan, a kawm rual mipa naupang pahnih chu a lo zui nileng a.

Zanah chuan, nidang ang lo tak hian, inthlahrun hmel tak leh tim tak hian ka bulah a rawn tawlh hnai hrat hrat a, a tawpah chuan, heti hian a rawn tawngchhuak ta a. “Ka Pa, Vawiinah khan in awm loh hlan khan, Sikul Ceiling luhna awngah khan ka thiante pahnih nen kan lut a, Ceiling chungah khan kan kal kual a, I room chung Ceiling kha ka rap pawp palh ta hlauh mai a, khawngaih takin min ngaidam la, min hrem lo hram rawh aw” a ti ta reuh a.

Mak ka ti hle mai a, thinrim viau tur ka nih laiin, ka thin a ur ta mang hlek lo mai a, ka fapa, ka hmangaih em emin inthiamlo em em mai a, ka bula a thil tihsual a rawn puang a, ka ngaihdamna a rawn dil chu, ka ngaidam chiang kher mai. Ka ngaidam satliah mai pawh a ni lo va, min tihlim veng veng zawk a ni. A nu nen chuan, vawikhat mah Ceiling-ah chuan lawn tawh ngailo turin kan hrilh a, anmahni tan tlak palha thih emaw, a nih em loh pawhin piansual emaw a hlauhawm zia tha takin kan hrilh ta a.
Thawhtanni a ka han Office chu, ka office chung Ceilng pawp chu ka hmu ta ngei a, Ka fapa khan, inpuang lo khan lo zep ni ta se, an tam tham lo bawk a, ka dawp chhuak tho tho ang a, ka hrem hlawm ngei ang. Nimahsela, tlang taka an thiltihsual zep tlat lo va, ka laka inpuanga ka ngaihdam a rawn dil avang khan, ka ngaidam tawh a, ka thin pawh a ur hek lo a ni. Harsa lutuk lova thawm that theih a ni tho bawk a.

Mihring kan nih chhungin, Sualna ti tur leh Kan tisa chakna te Pathian duhloh zawnga hmang khawlo tur tea thlemin kan awm fo thin a ni. Thlemna hnehloh palha tluk palh chang te pawh a lo awm thinin, Kan Pa Pathian duhloh zawngte pawh kan tih chang a awm ngei ang. Pathian mithmuhah langlo tura thuhruk reng a awm si lo. Kan zep ruk ve tang tang a, sual tihna remchang dang melh reng leh, a tul chuan ti leh duh zel mai a kan awm ai chuan, inchhir leh Simna thinlung pu chung a, Kan Pa Pathian hnena kan sualte puanga thupha kan chawi chuan, min hmangaih em em reng tu kan Pa hian min va ngaidam nasa dawn em.

Kan Sualte thupha kan chawi chuan, kan sualte ngaidam tur leh, kan fel lohna zawng zawng tlengfai turin amah chu a rinawmin a fel a ni. (! Johana 1:9)

Sunday hman nuam u le.

Ruah nasa takin a sur buan buan a, a karlakah thli nasa takin a thaw vuk vuk reng bawk a. Thawklehkhat ah Electrict power chu a thi thut a, a thim ta mup mai a. A tuka an hriat leh dan chuan, an in piah a, an khaw luh tawntirh a thirhrui chu thingzar tliak chuan alo hem chat a lo ni. An khaw pum mai chu, an thim ta mup mai a.

Tichuan, a nei nei chuan, Inverter hmangin an chhi eng a, a then in generator te an ti nung bawk a, a thenin, emergency light an chhi a, a then nei ve lovin, mombati te an chhi a….tu tu in emaw chu an eng ve ta thliah a. An mahni in chhung chu ti eng ve tho mahse, Electric Istiri (Iron) a hmang thei lo va, Fridge a nung thei lo bawk a, AC te leh Electric power in a tih theih ang kha, a ti ve pha lo a ni.

Chumai bakah, hmunpui lam atangin an rawn thlir a, a thim thuap mai a, a chhan chu Power house atanga kal Electric power thlun zawmna wire a chah avangin, chu khua ah chuan electric power a lut lo a ni.

Tichuan, Office lamin, Power house leh chu khaw inzawmna a chah tak avanga, chu khaw harsatna leh dinhmun, khawngaihthlak zia hre thiamin, a siam tu, (Electrician) an tir ta a…a ni chuan ban a lawnin, thirhrui ban atanga tlak leh, electric man pawh hlau lovin, chu khaw tan chuan, a thiamna theihna, a ma nun ngei pawh a hlan ta a. Chumi avang chuan, Power House leh chu khaw inkar thlunzawmna wire chat chu zawm in alo awm leh ta a ni.

Tichuan, a hma ang bawk in, AC te, Fridge te, TV te, Istiri te a tul tul electric power atang chuan anlo ti leh thei ta a……an mamawh apiang atan hman belh mahse, a zo vek tho a…..Power chu an hnianghnar a..a zo thei lo a ni.

Pu ber Adama bawhchhiatna avanga, lei leh van in zawmna alo chat pawh khan… mom bati eng ve che che ang deuhvin, a nun chu kan nung a. Mahse, power house leh khaw inzawmna a chat a, electric power khua a lut lo ang in, van nena kan inzawmna a chat ta tlat a. Kan nunna chu, mahni hjmasial nun, mahni tan a nung che che, midangte tanpui na te, midangte tan a nun ve te hlir mai niin, midang hmangaihna te, mahni hlawkna leh mahni tan a nun tumna hlir in kan khat thin a, midang an tel pha ta thin lo a ni.

Tichuan Office in, electrician an rawn tir ang bawkin, Van chuan, Pathian Fapa Lal Isua chu, lei leh van inzawm leh na turin min rawn pe ta a. Lei leh Van daidangtu sual chu, vaw-keh (ti chhia) in, (pindan pahnih, pingdangtu bang vaw chhia a, pindan pahnih, room khata kan siam angin, Pathian leh mihring kan lo inrem leh ta. (Eph 2:14-22)

Jerusalem temple chhung, hmun thianghlim ber daidanna, (vanram entirna : He.9:6-26) Jerusalem puanzar a chhip atanga, hnuai- lam thlenga a thler tak thu (Matthaia 27:51, Marka 15:38, Luka 23:45), kan hmu a.
Van hmun thianghlim ber luhna daltu ‘sual†chu, kan Lalpa Isuan Kross a a luhchilh tak avangin, misual thi tur (hrem hmabak), keimahni ai awh in a nun a pe ta a, ‘Krista chu kan ai a anchhe dawng lo niin, Dan anchhe lak ata min tlan chhuak ta” (Ga 3:13) “Mi zawng zawng thih aiin mi pakhat a thi a, chuvangin mi zawng zawng an thi a ni” (2 Ko 5:14) tichuan ai awhtu thihna chu, Pathianin kan tan minlo pawmsak tak a vangin, van nen a min daidangtu ‘batna lehkha†( Kol 2:14) chu khenbeh a lo ni ta a…hmun thianghlim ber daidanna puanzar a thler ta.. van a lo in hawng ta….ngaihdam kan lo ni ta..lei leh van a lo in zawm leh ta.

Tichuan Power house atanga lo kal ngei electric chu kan lo nunpui ve leh ta angin, van in a min pek a tum, “..kei zawng nun an neih nan, tamtaka an neihnan, lokal ka ni” (Jn 10:10) Lal Isuan a tih chu, a changtu te kan lo ni ta.

AC te, Fridge te, TV te, Istiri te a tul tul electric power atang chuan anlo ti leh thei ta a……an mamawh apiang atan hman belh mahse, a daih vek tho a…..in, Chu nunna ka neih chu, ka unau te, ka chhung te, thenawm te, thiante….etc,. mi zawng zawng daih a ni a, khawvel mi tamtakin an nei tawh a, an nei mek a, an la nei zel bawk dawn..a zo thei ngai dawn lo….tamtaka an neih nan…mi zawng zawng daih khawp NUNNA a ni e.. chu chu a ni LAL ISUA MIN PEK NUN NA chu, chu nunna neitu chu hmangaihna a khatliam ah alo chang ta thin a ni.

Post 127 lai a lo tling ve ta der mai.
(Happy Monday, Office kal nuam u le….)

1. Pathian thuin asawi angin chhungkua chu thuneihna inkhaidiat fel tak neiin kalpui tur a ni. Bible chuan chhungkaw hotu ber chu Isua Krista a nih min hrilh. Pa chuan Pathian thuin thuneihna a pek ang zelin a nupui fanau lakah amawh phurna a hlen ang a, nupuiin a pasal thu a zawm anga fate pawhin nu leh pa thu an awih bawk tur a ni.Tin, nu leh pain fate lakah an mawhphurna an hlen anga, an tithinur tur a ni lo. Fate pawhin nu leh pa laka anmawhphurhna an hlen bawk tur a ni.

2. Chhungkua chu kan inkawmngeihin, kan inhmangaihtawn dial dial tur a ni.

3. Chhungkuaa chu kan inpawm tawnin, kan inchawi-mawi tawn tur a ni.

4. Chhungkua chuan an chunga Pathian thuneihna chu an pawmin an zah tur a ni. Tin, chhungkuaa thuneihna inkhaidiat dan chu Pathian ruat a ni tih an pawm tlat bawk tur a ni.

5. Chhungkua tan thawh theih tawk apiang thawk turin kan inzirtir thin tur a ni.

6. Chhungkua chuan hun an hmangho tam tur a ni a,hlim takin an infiamho thin tur a ni. Chhungkua inngeih tlang taka awmho hlutna hi khawvel suma lei theih rual a ni lo.

7. Uire loh tur a ni. Uirena sual hi Pathian huat zawng tak,kawppuite laka pawisawina leh chhungkaw tikehtu bulpui a ni.

8. Chhungkuaa mi mal tin chuan chhungkaw thatna turin an thawk theuh tur a ni a, kan hlawhtlinna kan inhriatpuitawn tur a ni.

9. Chhungkua chu Bible chhiarin tawngtaiho thin tur a nia. Hei hi chhungkaw himna kulhpui leh setana laka invenna ralthuam tha ber a ni.

10. Chhungkua chuan chhungkua mi mal tin chu Isua Krista chhandamna changtu an nih tawh leh tawh loh an inngaihsak tur a ni a; chhandamna la chang lo an awm a nih chuan chang turin an theihtawp an chhuah tur a ni

~ Billy Graham

Sakhuana hi thil run thlâk deuh mai a ni a, a then te phei chuan an pawm hlei lo va, âtthlâk ni-ah an ngai fo. Karl Marx-a pawhin sakhuana chu ‘mipui vantlâng ruihchilh†(opium of the masses) a lo ti hial rêng a ni. A kal fawr (extreme) te phei chuan an thihchilh ngam hial thin. ‘Mizoram Gospel Centenary Bulletin†khân Mizo Kristian chu bung 82 laiah a chhuah a. Tûnah phei chuan 100 nufa teh meuh kan ni tawh maithei. Kum 118 lai Kristian lo ni tawh chu inpumkhat thei tawh âwm tak kan ni a, mahse ‘inpumkhatna†tih thu pawimawh ber mai chu kan ngaihthah ber a ni ang lawi bawk si.

Kohhran inpumkhat lohna thlentu hi tam tak a awm thei ang – Pâwl (Denomination leh Thurina danglamna), Harhna/Bethel/Crusade/Camping, Sum leh pai (Economics) dinhmun inanlohna, Chi (hnam) leh tawng (dialect) danglamna leh chhan dang tam tak.

Kohhran inpumkhat lohna hian nghawng lian leh hlauhawm tak a nei a:

1. Inerna rilru a siam a, inpawh tawnna a dâl
2. Thurin leh inrêlbâwlnaa inlâk bingna a nasa
3. Berâm inrûksak a hluar
4. Inhmangaihna leh thlamuanna a eichhia
5. Chhiatni-thatniah inthliarhranna a siam
6. Chhûngkaw inpumkhatna a tibuai
7. Khawtlângah kohhran huhâng/hnuhma a tidal
8. Thlarau lam nun a khawih

9. Khawtlâng leh hnam chhiatna a thlen: Khawtlâng leh hnam ang pawha min phuar khâwmtu ‘Mizona†aiin ‘Kohhran†hrui pawh hi a na tawh zâwk a. Hei hian thawhhona a sawi nghîng a, inlungrualna a phet thlu thin. ‘Mizo†tiha lungdamna kan neih thin kha a dal telh telh a, ‘kan kohhran†tih thuthlung kan vawn ngheh sauh sauh chuan thenawmte nên lang si lo, hmuh loh theih bawk si loha indona (Cold war) a siam tan dêr a ni.

10. Nupui/pasal: Nupui/pasal neih kawnga kan buaina lian ber ni ta chu ‘Kohhran danglamna†(Church denomination) hi a ni. Kohhran thurin/thuthlung vung lutuka kan kalpui thin hian nupui/pasal inneih chungchângah harsatna min thlen thin. Mizo theuh theuh, kohhran dang an nih avânga kan khawdang sial en ngawt hi chu tih eih loh chi. Kristian leh Mizo theuh theuh, ‘ani zawng†tia kan inhnâwl thin hi chu sim loh pawhin chîn chhunzawm châkawm loh tak a ni.

Bible pakhat ringa Pathian thuhmun chibai bûk tûra biak-ina kal thin. Vânram chan inbeiseia piangthar, thlarau bo mêkte chhanchhuak tûra ke pên thin. Kan tha leh zung mai bâkah kan sum leh pai thlenga Lal Isua Krista tâna inpumpêk thinte hian he lei kohhran (lang thei kohhran leh danglamna tam tak awm hi) kan hmangaih a nih pawhin min petu hrereng a, min pêk chhan ang taka lang lo lam kohhrana inzawm tlatin kan infuih tawn fo tûr a ni. Eng kohhran pawh ni ila, kan kohhran hian daidanna bang siam suh se. Kan tlatna mual a dang ang bawkin kan hna ngaih pawimawh leh buaipui pawh a dang ngei ang, hei hi ‘A ram†zauhna hmanraw tha ber chu a ni si a. Daidanna bang hi thiatin, inlungrualna leh thawhhona tha nên Lalpa ram tân i thawk zêl ang u. Kohhran hrang hian enhranna siam lovin Mizo kan nihna hian min phuar khâwm zêl zâwk rawh se.

Thu lâkna:
1. Bangalore Mizo Christian Fellowship. Kum 100 Kristian Zofate Hmabâk, 1994.
2. Gospel Centenary Committee. Mizoram Gospel Centenary Bulletin, 1994.
3. Zofa, Lalhmachhuana. Mizoram General Knowledge, 7^th Edition, 2011.

Full article chhiar duh tan KA BLOG-ah a chhiar theih. Ka lawm e.

“Hriatna dik chu finna leh nunna bul a ni a, hriatna diklo chu khawngbona leh thihna a ni.”

Kristian Sakhua leh Mizo Hnam Sakhua a Danglamna:

1. KRISTIAN SAKHUA: Israel ram leh hnamah Juda mi, Mari fapa Isua-ah bul â–¶anin, Isua rin chauh loh chuan vanram kai theih a ni lo. Isua chauh hi khawvel zawng zawng chhandamna chu a ni. Isua hming lo chuan Pathian pawh biak theih loh, Isua-a awm lo chu tumah Pa hnen an thleng dawn lo, Pathian hnena thil dil dawn pawhin ‘Isua hmingin kan dil e’ ti thei chauh Kristian an ni.
Isua rin hi vanram kaina a ni tih leh a ringlo chu hremhmun-ah tlak tur a ni tih hi Mizote chuan kum 1894-ah sapho min rawn hrilh atang chauha hre tan kan ni.

MIZO HNAM SAKHUA: Leilung piantirha Mizo hnam min din tirh atanga min siamtu Pathian, Chungkhuanuah bul â–¶anin, Amah atang leh Amah vang chauha thil zawng zawng hi lo awm a ni tih kan hria. Pathian, Chungkhuanu nunna chauh lo chu mihringte tan nunna dang reng reng a awm lo. A nunna min pek chauh kha kan ‘Chatuan Nunna’ a ni tih kan hria.

Hmeichhe hrin zingah chatuan nunna min pe thei pakhatmah an awm lo tih kan hria. Chungkhuanu chauh hi biak leh rin tur awm chu a ni a, Amah chauh chu engkim siamtu Pathian a ni si a.

2. ISRAEL HNAM LO AWM ▶AN: Eden huanah Evi leh Adama-ah khawvel bul an ▶an a, he an bul▶an kum hi mithiamte ziaka kan hmuh angin B.C. 4001 lai vel chauha sawi a ni a. Ziaktu ▶henkhat chuan B.C 4004-ah ani a ti a. B.C 4004 aia hlaah chuan an chhût thei lo a ni. Chuvangin tun hma kum 6000 zen zawn vela awm▶an chauh an nih chu.

MIZO HNAM LO AWM â–¶AN: Mizo hnam lo awmâ–¶an hi engtia rei leh hla nge tih hriat rual a ni lova. Kan hriat hlat theih ber atangin han pho chhuak rawi mai ila: (Leilung piantirh a mihringte a din laia Khuanu din hnam kan ni tih chu kan hria).

Kan hnam hi kan pi leh pu hmasang aâ–¶anga nausen hlamzuiha thi hlumbela indah a inphum â–¶hin kan ni a, tuna kan chenna Zoram kan luah hnu pawh hian nausen hlamzuiha thi hlumbela indaha inphum an la awm nual a ni.

Kum 1977 khan Russia mithiam ten Siberia ramah khian nausen hlumbel chhunga dah, thla ruk mi vel an hmuchhuak a, kan Mizo sulhnu ngei a ni tih a chiang a. Chu chu engtik hun ami nge a nih tawh tih enfiahin an zir chiang a, tun hma kum 1,20,000 daih a mi kha a lo ni tawh tih an hmuchhuak. Evi leh Adama pian hma kum 1,14,000-ah pawh khan khawvel hi kan lo luah daih tawh tihna a ni.

Kum B.C 5,000 pawh khan China Yan Province-a Lungleng, Lungtian, Thakthing khuaah khian kan lo cheng tawh ngei a. Hei pawh hi Evi leh Adama pian hma kum 1000 vel chu a ni tho mai. Zofate hi hnam upa, Khuanu aâ–¶anga bul â–¶an kan ni.

3. MIHRING(KRISTIAN ZIRTIRNA): Mihring lo piang chhuak reng reng hi chhe lailet der, â–¶hatna reng reng neilo a ni a, a lo piantirh atang hian Pathian laka thiamloh chang, thil tha reng reng ti thei lo, chatuana hremhmuna tla tur, boral fa chu a ni.

MIHRING(MIZO SAKHAW DINNA): Pathian, Khuanu’n mihring a din tirh atanga kan lo piang chhawng chho zel hi A remruata lo piang zel kan ni. (Misual chhe lailet derin min piantir lo) Chatuan Lal, kan Pathian, Khuanu remruatna ang zawka lo piang vek kan ni a. Setana piantir kan ni lova, ramhuai piantir kan ni hek lo.

Kan lo pian hian Pathian, Khuanu rem tihna leh remruata lo piang kan nih avangin Pathian thu kan ni nghal a; Pathian, Khuanu kuta awm kan ni zawk.

4. MIHRING THIHNA LEH SUALNA LO AWM CHHAN (KRISTIAN PAWM DAN):
Juda thlahtu Evi leh Adama-a te nupa bawhchhiatna avang hian mihring thihna leh sualna hi lo awm a ni a, chuvangin mi zawng zawng hi misual an ni, thihna hi a lo awm phah bawk a ni. (Thei kha ei kher lo se chu mihring hi kan thi dawn lo ni awm tak a ni!)
MIHRING THIHNA LEH SUALNA LO AWM CHHAN (MIZO SAKHAW DINNA): Pathian, Khuanu’n mihring a din tirh atangin thi leh thei tura a din kan nih avangin thihna hi lo awm a ni a. Thilnung lei lama siam reng reng hi thi leh vek tura siam kan ni a, dam hlen tura siam pakhatmah a nei lo.

Chungkhuanuin mihring a siam hi khawvel enkawl tura a siam a nih avangin duh theihna leh duh theih lohna te, sual ngaihtuah theihna leh â–¶ha ngaihtuah theihnate anmahniah a dah tel nghal vek a. â–¶hatna mihringah a inâ–¶an a, sualna pawh mihringah a inâ–¶an thin. â–¶hatna kawng zawhtu chu mi â–¶ha chu a ni a; sualna kawng zawhtu chu misual chu a ni. Khawvel mihring zawng zawngah â–¶hat theihna leh sual theihna hi a awm nghal zawk a ni.

5. KRISTIAN HNNGHAHNA: Juda tlangval, Mari fapa, Isua kha ‘kan nunna a ni a, min tlantu a ni. Ani chu lei leh van lal ber a nih angin lei leh vana thuneihna zawng zawng neitu a ni. Isua chu kan engkima engkim a nih avangin, mitin thinlungah lalber rawh se. Zoram dungtluanah Isua lalber sela, Amah chu lalber a ni si a,’ an ti.

MIZO HNAM SAKHAW INNGHAHNA: Thil awm zawng zawng siamtu Pathian Khuanu hi kan ‘nunna’ a ni a, mihring zawng zawngte hi Ama siam leh kutchhuak vek kan ni.

Kan Pathian Chungkhuanu hi lei leh van lalber a ni a; Zofate hnama min dintu leh tuna kan Zorama min hruailuttu a ni bawk.
<>

Amah, Pathian Khuanu atanga chhuak nunna chauh lo chu ‘chatuan nunn’ dang reng reng a awm lo.

Mizo hnam min dintirh atangin englai pawhin kan hnenah a awm reng a, auh chawp ngaiin min kalsan ve ngai lo. Amah chu kan engkima kan engkim a ni a; Amah chauh lo chu Pathian dang reng reng an awm lo. Khawvel mihring zawng zawngte Pathian, Khuanu chu a ni.

6. THLARAU (Kristian zirtir dan): Mihring hian thlarau kan nei a, kan thlarauah chuan Pathian laka thiamloh chang kan ni. Chu thiamloh channa chu min thlahtu Evi leh Adama bawhchhiatna vang a ni. Isua kan rin loh chuan kan thlarau chu hremhmun (meidil)-ah a tla ang a, Isua kan rin chuan vanramah Amah nen kan kal ang. “Ka thlarauin a zawm ta; Krista grape nung chu. Rei tak ka lo thlahthlam ta; mahse ka nei leh ta” an ti.

THLARAU (Mizo Sakhaw Dinna): Mihring tumahin thlarau kan nei lova, kan lo pian hian thlarau kan pian chhuahpui reng reng lo. Mipa chi le hmeichhe chi infin atanga mihring a lo pian hian mipa chi-ah thlarau a awm lova, hmeichhe chi-ah thlarau a awm hek lo. Chi ve ve a lo infin khan mihring hi a rawn insiama, kan lo piangchhuak mai a ni. Mihring insiam fel hnua thlarau lo awm chawp ve a i ngai a nih chuan; mihring boral rualin chu thlarau lo awmchawp pawh chu a boral ve leh tho dawn a ni.

Mihring thih hnua hremhmun a tla thei emaw vanrama kal thei emaw thlarau kan pianchhuahpui reng reng lo.
Mihringte hi khawvel enkawl tur leh Siamtu Khuanu aiawha ding tura ruatte kan nih avangin kan hring lam taksa thihni a ranrual thite anga kan tawp hlen nghal phal lovin; Amah kan Pathian Khuanu anga kan lo chatuan ve theihna turin Chungkhuanu chuan amah atanga chhuak ‘NUNN’ chu min pe a, chu nunna Pa atanga kan chan/neih chu kan ‘thlarau’, kan ‘nunna’ chu a ni zawk.

Pathian, khuanu atanga kan chan kan nunna thlarau hi tlan leh chhandam ngaia pek kan ni lova, hremhmun kal tura pek kan ni hek lo. Lei lama piang a ni lova, van lama piang Pathian Khuanu aâ–¶anga kan dawn a ni a, tisa mihring thih hnuah Chatuan Pa angchhunga awm kumkhua tur chu a ni a, Pialral luahtu chu a ni.

7. HREMHMUN (Kristian zirtirna): Hremhmun(meidil) a awm a, chu meidilah chuan Juda-mi Mari fapa Isua ringlo tute chu an thih hnuah an thlarau chu a tla dawn a ni. Isua ringlo reng reng chu miâ–¶ha engang pawh ni re an tla dawn tho a ni; engang a misual pawh Isua ringtu chuan Isua zarah meidil chu a pumpelh dawn a ni. ISUA chu misualte â–¶hian a ni si a.

HREMHMUN (Mizo Sakhaw dinna): Mihring sualna reng reng hi mihring tisa-ah vek a ni. Tisaa sualna thiamloh channa pawh tisaah vek seng zel a ni a, misual chuan a sual man chu a hringnun tisaah a tuar a, a thlah leh a tuchhuan thlengin a tuar thei â–¶hin. Thilsual titute hremna hi tumahin an pumpelh theilo.

Sualna avanga tuarna lo awm hi ‘hremhmun’ a ni a, mihringin thlarau hrem tur chi a nei lova, thlarau tlakna tur chi meidil a awm hek lo. Mahni mihringpui leh thilsiam tinreng chunga dikna, rinawmna leh tlawmngaihna ataka hman tlat chu hremhmun pumpelhna lamtluang a ni.

8. Vanram (Kristian zirtirna): Isua ringtu thi tawh zawng zawngte thlarau kha vanah Isua hnenah an awm a, Isua van atanga a lo chhuk leh hunah Isua ringtu thi tawh an ruang leia an phum tawhte kha kaihthawhin an awm leh vek ang a, Isua ringtu la thi velo lo la dam hote kha thi ve kher lovin chung mitthi tawhte ruang kaihthawhte nen chuan vanramah a hruaichho leh vek dawn a ni. Tichuan kan unau â–¶henkhatte nen khan vanah kan intawk khawm leh vek dawn a ni.

PIALRAL/VANRAM(Mizo Sakhaw dinna): Pialral/ Vanramah chuan mihring, hmeichhe hrin reng reng hi luh theih a ni lova. Mihring lei lama chhuak zawng zawng chu an chatuan ram leilungah an kir leh vek zel a ni.

Pialral/Vanram neitu ChungKhuanu chuan a chenna Pialral luahtu tur chuan Pathian Khuanu nilo tan luah theih a nih loh avangin mihringah chuan Ama nunna chu a dah a, chu ‘Pa nunna’ kan chan chu kan nunna, kan thlarau, kan van taksa chu a ni a. Chu chu hmeichhe hrin nilo Pathian, Khuanu hrin a ni.

Kan nunna chuan kan tisa damlah ngei pawh hian Pialral(Vanram) chu kan luahsa reng tawh. Kan tisa thihniah chuan kan van taksa, kan nunna, Pathian kan nihna taksa chuan Pialral chu a luah tlang nial a ni zawk.

Pathian leh Amah atanga nungte ‘Pathian fate’ chenna chu Vanram/ Pialral a nih avangin mihrin pakhatmah an awm lo. Pathian fate chu mihring an ni lova, Pathiante an ni zawk. Kan Pathianna taksa ngeiin Pialral/Vanram chu kan luah a ni.

9. KRISTIAN PATHIAN BIAK DAN: Maimitchhinga â–¶awngâ–¶aiin an be â–¶hin. Heti angin: “Aw Lalpa, kan Pathian..” tiin. (â–¶ul an tih zawng zawng chhamchhuakin a tawpah, ‘chung zawng zawng chu kan sual chhiar renloh ngaihdamna nen Isua Krista hmingin kan dil a che,” an ti â–¶hin).

â–¶awngâ–¶aina hi Pathian biakna bulpui ber a nih avangin an uar em em mai a, inkhawmnaah te, chaw ei dawnah te, pianniah leh thihniah te an â–¶awngâ–¶ai zel a, (Bible a ziak ‘Pathian hming lam apiang chuan sual kalsan rawh se’ tih erawh chu an hmang reng reng lo niin a lang).

Zoram Kristiante hi Kristian sakhuanaah an sangin an tui em em a. Inkhawmho-ahte, zaipawlahte, Isua thu hrilahte, thawhlawm thil pekahte, biakin sak ropuiahte, missionary tirhchhuah lamahte, thawhlawm khawn taimakahte, Isua faka zai leh lamahte, â–¶awngâ–¶ai nasat-ahte hian khawvel ram dang Kristiante chu an khum vek ngeiin a rinawm.

Zofate hi Kristian inti vek si hian kan ram hruaitu luber aâ–¶anga BPL leh AAY thlengin, kut hnathawktute, sumdawng zawng zawngte, sawrkar hnathawk zawng zawngte, zirlaite, Zoram a pawl zawng zawngte leh kohhrante thlengin an vai mai hian an mahni hamhaia an han phe ta sung sung mai hi chu an biak Isua zirtir dan emaw ni ta le?

Mizo hnam Kristianah hian khawiahnge rinawmna, tlawmngaihna leh dikna a awm zawh tak le? A-tu-amah kan inringzo tawh si lo. Roreltute lah indem tawn bawih bawihna ram, thil ▶ha thawk hlei theilo roreltu nita vek mai le! Isua hmangaihna thûkzia leh Israel ram leh hnam chanchin sawi zel hian dawt sawi leh ruk ruk bansan chuang lovin Zoram hi kan luah reng mai dawn em ni?

Mahni ram leh hnam tlansan daih sakhua hi hnam hmelma sakhua a ni. Zofate hi Kristian Sakhua min rawn zirtira, kan pawma, kan ring ta hmiah mai a. Khawvela sakhaw â–¶ha ber emaw kan ti lehnghal! Kristian sakhaw kengtu Bible-ah hian. Mizoram leh Mizo hnam pakhatmah a inziah ve loh avangin Zoram leh Zofate tana belrem awm a kan ngaih lai Bible changte thlangchhuakin kan ram leh hnam tan sawi dik hram hram leh thlen dik tir tumin thusawitu reng rengin â–¶an an la ngat ngat â–¶hin. Bible chu an rin tak em avangin ‘helai bung leh chang hi kan ram leh hnam sawina a ni’ te an ti a, a khawilaiah mah hian kan ram leh hnam sawina a awm reng renglo. Tuna Mizo Kristian dinhmun tak hi chu: chhungkaw pa berin an â–¶henawm pa sania man tamzia leh an â–¶henawmte chuan an eia tui an tih zia a fte zinga uluk tak leh taima taka sawiin an chhungkua a zirtir a; a fate zinga a hrethar apiangin an hlimpui ve em em ang hi a ni.

Zofaten Pathian thutak kan hriatchian hunah chuan kan pi leh pute chanchin leh kan hnam kalzel chanchin leh tuna kan luah Zoramte hi kan tan Pathian thu a ni tih hriain ram dang chanchin reng reng changthlan tawh lovin kan hnam chanchinah chuan kan tui em em tawh ang.

Amaherawhchu, heti khawpa kan chhiat lai hian hmasang kan pi leh pute kennun reng, vawiin thlenga fam la changlo; chhiatrupna(thihna) te lo thlen changa hnam tlawmngaihna ze nung chuan hnam a la tuam reng a. Hetah pawh hian Kristian â–¶halai lama â–¶angkai aiin inkhawm kawng zawh lemlo zu ruih chinga an ngaih mai mai ho hi an â–¶uan a â–¶ha zawk a ang hle mai!

Zofate kan â–¶hanharh hunah chuan Kristianna hi kan hnam sakhua a nilo tih kan hria ang a, kan ram leh hnam mi hruai thlengtu hi engkim siamtu Chungkhuanu a ni tih kan hre chiang tawh ang, kan ram leh kan hnam hi Pathian thu a ni tih kan hre tawh ang. Kan ram roreltu MLA rualte chuan Chungkhuanu thua rorel an ni tih an inhre vek tawhin rorelna dikloa rorel an hlau hliah hliah tawh bawk ang; Khuanu pawikhawih an ni tih an inhriat tawh dawn avangin. Chuti ang zelin sawrkar hnathawk zawng zawngte leh mitinin an thiltih tinreng Khuanu thu a ni tih an hriat vek tawh dawn avangin dikna chuan ramah ro a rel tawh dawn a ni.

Chutih hunah chuan min siamtu leh nunna min petu leh chenna ram min petu Khuanu chu kan khua leh tui hmangte, kan luitui luang leh thlifim hmangte, kan thing leh mau, leilungte leh kan buh leh bal hmangte hian fakna leh chawimawina kan hlan tawh ang. “Jordan luikamah ka ding a..” ti a Pathian fak tawh lovin Tlawng luikamah ka ding a, a tuiin Zawlkhawpui kan chawm a, a kama balu-in in kan sa mup mup a, a luidunga thlai tharte chuan kan inchawma, chu ngei hmang chuan Lal kan fak tawh ang. Jerusalem hmanga Lal fak kan bang tawh ang a, Zawlkhawpui hmangin Lal kan fak vek tawh tawn a ni. Kristian nih avanga rinawm leh dik nih tumnate chu ataka ramah a parchhuah theih loh avangin Mizo i nih avang leh Mizorama awm i nih avang zawka i rinawmna chuan neitu nihna a phawk nalh mai a. Kan ram leh kan hnam hi Zofate tan Pathian thu a ni tih hriain ram leh hnam pawi khawih chu Pathian pawi khawih tih leh ram leh hnam tana rinawmna leh diknate chu Pathian chunga rinawmna leh dikna ani tih kan hre tawh zawk ang. Chutih hunah chuan hnam khat, sakhaw pakhat Mizo Sakhua-ah kan awm vek tawh ang. Tunah erawh chuan Bible-in min â–¶hendarh vek a, khaw khatah pawh pawl hrang tam takah, chuti ang zelin chhungkaw khatah pawh pawl hrang inphel darh nuaia kan awm hi Kristian Bible hrinchhuah a ni a, a â–¶halo em em a ni.

Aw Zoram mipuite u, in ram leh hnam hmangin Khuanu chu bia ula, i ram leh hnam chu Pathian thuin luah zawk rawh u. I ram Zoram i hnam Zo hnam leh siamtu Chungkhuanu chu inkawp tlat, thliar hran theih loh chu a ni.

Khawvel mihring ten mihringa lo piang Pathian anga biak kan bansan hunah chuan engkim siamtu Pathian pakhatah chauh kan fuankhawm tawh ang a, chutih hunah chuan khawvel hnam zawng zawng sakhaw pakhatah lawiza tawhin sakhua avanga indona a awm tawh ngai lovang.

THALAITE LEH THEOLOGY ZIR

By. Laldintluanga

Mizoram chhim leh hmara Pastor hmasate kha Cherra Thelological college-a zir chhuak te an ni hlawm a. Kum 1930 vel atang khan thuhril thilpêk nei tha Tirhkohte kha chu pastor atana nemngheh an ni a. Hun a lo kal leh deuh a, Cherra zir zo chauh Pastor-ah nemngheh tawh tur tiin kohhranin a rel a.  Chu policy chu mi thenkhatin an helh deuh a ni ang, mi hlimte ânhla pakhat chu, “Cherra zir kher an tha bik lo, Petera pawh Cherra-a a zir kan hre bik lo va. Cherra chhuak lo pastor-te hian thusawi an thiam hlei hlei” an ti thin an ti. Harhna boruakin min nan apiangin heti lam boruak hian min chim ve zel a. Pathian thu zir ngaihtheih lohna emaw zir mi te ngaihsan lohna hian tun thlengin kan ram min la chiah a, mi vengva chin (Intelectual)-a ngaih zingah meuh pawh he ngaihdan la vuan tlat hi mi engemaw zat kan la kawl tho mai hian Theololgy zir kan la ngaihpawimawh loh zia a ti lang. Chuvangin kan thupui ‘Thalaite leh Theology Zir†tih hi sawi tawk awm thei lo khawpa pawimawh a ni.

Theoology zir a tulna chhan:

Harhna a lo thlen apiangin harhna hruaitute boruak kengtu ber an ni a, zir mite ai khan ngaihsan an hlawh zel bawk a. Thusawi lamah nise a sawi thiam leh sawi huai hlei hlei an ni bawk si a. Mi tam tak tan chuan zir mite han mamawh vak ngaihna a awm lo reng a ni. Kum 1950 chho velah khan Mizoramah ‘Khuangtuaha pawl†zirtirnain a hrin chhuah ‘Ramthar zai†an tih kha a rawn lar hle a. Heng ‘Ramthar zai†an tih te hi a phuahtu ber hriat a har tawh hle naa, kohhran invawnna leh Pathian thu zirna aia mahni awmhawp thu ti rautute thu leh hla a ni tih an hla atang hian a hriat a ni. Chung an hla thenkhat te chu: –

Kan Zirna khawl zawng a dang ngei e,

Cherrra  val leh B.D an vai ta si a,

Kan nambar sang lur e sang lur e.

Cherra leh B.D i chhing ngei dawn,

Hnam tin sel vel Chalpel run liana hnawng hnu,

Zion champion a tling ngei ang.

Kum 1930 vel khan thlarau thilpêk uar zual atang khan ‘thlarau mi†an lo chhuak a, thlarau zalênna chang sang zualte chuan, “Taksa thiltih reng rengin Thlarau a khawih pawi phâk lo va, thlarau mite inkarah chuan lak thiang lo leh khawih thiang lo a awm hek lo. Dan chu tisa mite tanasiama ni a, thlarau mi erawh chu dan chunga lêng a ni” an ti a. A then chuan Hmawngkawnah thlarau mite khawpui ansiama.

Dana ûang ûang suh ka nau i ni,

Kalvaria thuthlung kan inhlan ni khan,

I tel ve lo khawnge i awm le? An ti tawh mai a ni. Thlarau par han tlan a, mihringa phûrna lo so chhuakin a thlen mihring ngaihtuahna leh chakna hian a tha zawng leh kawng dik pan zawnga min hrûai loh chuan, mi chunga leng nia inhriatna leh chumiin a rah chhuah kohhran invawnna hmuh rona hi thil awm ve reng a ni a.

Kan ramah hian pawl penhleh te te, kohhran tia han chal ngam ni si lo, tlawmngai pawl anga tangkaina nei tehchiam bawk si lo, Thlarau hming chhala eng pawl pawl emaw inbawk hrang fir fer hi kan ngah hle a. Henghoten an chhal ber thin chu an mahni âwmhawp thu tihrau chiam a, mahni zawl tleipuina nena vai deuh riaia thlarau par tlan hi a ni awm e. Mahni thlarau nun chu sawi loh khawtlang invawnna thleng pawha khawih pawi thei thil a nih avangin heng thlarau ze nawi changtute hian thil an khawih pawrin an chênpuite khawvel an tichihchawm hle thin.

Zîrna  mit atanga a fiah bîkna chu:

Bible hi Pathian thu a ni a, Pathian inpuanna mihringinkandawnna a ni. Mahse Bible thu zawng zawng hi Pathian thu vek erawh a ni lo. John Stott-an a sawi angin Bible hi Pathian thu a nih ang bawkin mihring thu a ni bawk. Joba lehkhabuah chuan, “ka chungchangtu dik takin in sawi si lo” tia Pathian sawi ngei pawh a awm (Job.42:7). A ziaktuten an ngaih dan an thun tel emaw, an nghahhleh zawng emaw ziak a awm nual bawk. Thu harsa hriatfiah hleih theih loh, an hun lai context mila hrilhfiah ngai chi tam tak a awm a.Kantawng hman a dang hle a,kanculture pawh a inang lo.Kantawng hman a hran avanga Bible lehlin sual pawh hi tam tak a ni. A ziaktute nena tawng hrang leh culture hrangkannih avanga,kanharsatna tawh thin hi a tam hle. Lal Isua thusawi leh tehkhinthu tam tak pawh hi a hun lai context hriat loh chuan hriatfiah hleihtheih a ni lo a. An hun laia an beram vulh dan, an Grep chin dan, an eizawnna leh an politics kalphung thleng hian a ziaktute ngaih danin a hruai nasa hle bawk a. Entirna thenkhat lo tarlang ila:-

Joh.10: 7-a Lal Isuan, “Kei hi Beram kawngkhar chu ka ni” a tihte hi hrefiah tak tak tur chuan an hun laia beramputen beram an ven dan atangin hian a fiah a, a ngaihnawm bik. “ka ta ka hria a , ka ta pawhin min hria” 10:3-ah “beramten a aw an hre thin a;  ama beramte chu an hming theuhah a ko thin  a. A ta zaawng zawng a chhuah tir veleh, an hma a hruai thin a, a aw an hre si a. Mi   dang zawng an zui lo vang a, an tlanbosan zawk ang; mi dang aw zawng an hriat loh avangin” tih thute hi a hun laia an beram ven dan hriat chuan a fiahin a ngaihnawm duh hle.

Bible ram mite zingah chuan berampute kha naupang an ni deuh zel a. Chhungkuaa mipa naupang ber chu beram vengtu a ni deuh zel a, Arab loneituten beram vulh leh lo neih an fâwmnaah chuan a ni bik a. Fapa upa zawk a lo thanlenin lo lamah a nu leh pa pui turin a inhmang a, beram enkawl hna chu a nau mipa hnenah a hlan thin. Chutiang chuan fapa upa lam atangin beram enkawl hna chu an inhlan chhang zel thin a ni. (cf. 1 Sam. 16:11).  An beram te hming kha an thliarhran theihna theuh turinan vuah sak thin a, an tam loh phei chuan an hming an vuah kim vek thin. Beram rual eng emaw zat thlîar hran a lo hun chuan beram pute chu an ding theuh va, an beramte chu an ko va. Beramte chu an han dak a, an han zi deuh nuaih nuaih a, mahni pute theuh te chu an zui ta thin a ni. An mahni pute aw chu an hre hrang vek thei a ni. Mi khualte pawhin an koh dan zirin an ko ve fo thin a, mahse an inzui tir thei ngai lo. Lal Isuan, “Mi   dang zawng an zui lo vang a, an tlanbo san zawk ang; mi dang aw zawng an hriat loh avangin” (Joh 10:4-5) tia a sawi hian a fiah kuar thin.

Beram pute chuan beram tla darh nuaih pawh hruai khawm dan an hre hle. Beram tla darh nuaih karah berampu chu a ding a, a han au va. A virvawm khan a ngaihsak lo deuhte chu a han vawm a, an ngaihven ta theuh tih a hriat chuan a hruai ta thin a ni. An kim vek tih a hriat hma chuan a hruai tan mai lo.                                                                                                                                          (cf. Ezek. 34: 12-13). An kal lai chuan an hmaah a awm deuh chawt a, a chang chuan an sirah te an hnung lamah te an kal thin a ni. Tlaia an huanga an khungkhawm dawn phei chuan an hnungah a kal thin a ni. Hnung lam atangin a kal pengte chu an khalh dik a, ransa dangin a ruk tea a lo beih loh nan a veng thin a ni. Beram rual chu tam tak an nih phei chuan a vengtuin hma a hruai a, a puituin a hnung a dawl thin a ni. (Cf. Isa. 52:12).

Hei bakah hian tunlaikanramin a mamawh leh Bible sawi dan ni lo deuhakanhrilfiah thin tam tak a awm a. Chung zinga pahnih khat chauh lo tarlang ila:

1) Pathian Felna tia kan Bible-in a sawi thin hi eng nge ni? He tawngkam hi Greek tawng chuan “dikaiosune” tih a ni a, Hebrai tawng chuan “tsedeka” tih a ni. Saphoin righteousness an ti a. Keinin ‘felna,†‘thiamchantirna†tiin kan tawngin kan let a. Hebrai-hoin “felna” an tih chu Court tawngkam  a ni a. ‘Dan anga thil ti, dan khap lo†titu chu “mi fel” an ti thin. Rev. Dr. Zairema chuan, “Mizo Kristianten ‘felna†tih hi Bible tawngah kan hmang tawh a, mi thiam te pawhin an hrillfiah zing hle. Mahse kan rillruah Hebrai-ho rilrua chuang lian ber, rorelna thu hi a la lang hleithei lo. ‘Pathian felna†kan tih chu hria emaw kan inti a, engkim tha taka a tih chu kan ngaihtuah tel a, a rorel dikzia thu erawh chu kan ngaihtuah tel vak lo,” a ti a, a dik hle. Paulaâ€n Rinna avanga thiamchantirna thu a sawi dan hi a ngaihnawm hle. Rorelna hmaah thiamkan chan dawn chuankan dik zia te, pawikan khawih loh zia te sawi a ngai a. Mi dangin min sawi sak dawn pawhinkan dikzia a tarlan a tul thin. Paulaâ€n thiamchantirna  a sawi hi chu chutiang a ni lo va. A Greek tawng awmzia leh a thu tum berkan zir ngun chuan “mi sual pawikhawihtu kha, a pawikhawihna kha thai bosakin a awm a, mi felah pawm a ni ta,” tihna a ni mai. A sual lohzia fiah tumna a awm lo va, ‘mi felah siam a ni,†tihna pawh a awm lo, ‘mi fela pawm,†‘mi fela chhiar†a ni ringawt a. Pawi khawihtu a nih ang taka hrem leh tihlum phu kha ‘fela pawm†a ni a, chu mai pawh chu a ni lo, a fa hmangaih tak atana pawm a ni. Thhiam channa a ni lo va, thiamchantirna a ni a, faa pawmna pawh a tel nghal.

2) Krismas a lo thlen apianga khel lova kan sawi ve fo, mahse kan hrilfiah dan erawh dik tawk si lo chu, Mari Fakna hlaa ‘ka nunin Lalpa a chawimawi a,†tih thu hi a ni. Mi thiam tak takte pawhin an hrilfiah thin dan chu, ‘Mari nun mawi hian Lalpa a chawimawi a ni, keini pawhin ringlote hmuhah kan nun mawi hian Lalpa chu a chawimawi ve tur a ni†tiin an sawi fo. Rev. Dr. Zairema bawk hian, “Hetiangakan hrillfiah dan hi Marin hria se a tim uai uai awm e” a ti. Nun tih hi amah tak a insawina a ni a, chawimawi tih pawh hi ‘fak†tihna tluk a ni. Mari nun mawi thu hi Luka hian sawi a tum lo, Pathianin a thlan chhuah avanga Pathian chu tihtakmeuha a fak thu a sawi a ni.  Helai thu hi Bible lehllin thar chuan, “thinlung takin Lalpa ka chawimawi a” (Lk.1: 46) tiin a dah ta a, hei hi a thu tum tak, Greek tawng lama a awmzia pawh a ni.

Hetiang hian Bible thu tam tak hi a chinchuak leh a nih dan dik hriatchian loh avanga kan hrillfiah dik tawk lo tak tak te, chutiang thilin min hruaisual theih dante hi ngaihtuah chungin Pathian thu zirna hi kan mausam thei lo.

Bible lehlin thar a tul ziah bawk:

Chanchintha hi mitin ta tur a nih avangin mi mawl ber pawhin awlsam taka an hriat zung zung theih tura buatsaih a ngai thin. Bible ziakna tawng pawh hi a hunlaia mi changkang tawng ni lovin tawng tualleng, bazar tawng, mitinin awlsam taka an hriat tlanglawn hmanga ziak a ni an ti. Tawng hi a than danglam chak em avangin thangtharte hriat thiam theih zawnga kum 40/ 50 dan vel zela Bible lehlin thar pawh hi a tul thin. Chutiang atan chuan tawng bul lam hriat a ngai bawk. Thuthlung Thar hi Greek tawnga ziak a ni a, Thuthlung Hlui hi Hebrai tawnga ziak a ni bawk. Heng Bible ziakna tawng pawh hi tunlaia mi nen chuan a dang daih tawh a. Tawng thi (classical language) a ni tawh avangin zir chian a ngai a, zir mitekanmamawh rêng a ni. Thenkhatin Mizo tawng Bible atangin ngaihdan pir tak takkanlek a, tlema lehkhathiam deuhin sap tawng Bible atanginkanen leh bawk a. Thenkhat phei chuan King James Version hi Pathian thawkkhum bikah an ngai a. Hetianga ngaitute zingah hian mi thiamakanngaih (intelectual)-ho pawh an kat fur bawk. A Bible tawngbulin a sawi tum thelh duaia Bible lehlin pawh hi a awm thei viau. Tawng bul lam thiam loh chuan Bible lehlin pawh hi a fuh mawh khawp mai.

Vawikhat chu Mizo Bible atang hian Baptistu Johanan “Kei erawh chu lâng tur ka ni” tih thu hi Chakma tawngin an letling a, “Kei chu rîak lovin ka kir leh ang” tiin an let an ti. Kan tawngin a daih loh avanga tawng thar chher belh a ngaih chang a awm bawk a. Chung Mizo tawng thar kan neih te chu, ‘tirhkoh†tih te, ‘kohhran†tih te, ‘maihun†tih te, leh thil dang tam tak chher a ni a. Far hnai tiha kan lo hman thin kha Bible Lehlin Thar chuan alkatra tiin a dah ta a, hei pawh ngeih lo kan tam mai. Far hnai kha ‘thawk khum†ni ta bik riau ngaikanawm thin ni ngei tur a ni. Mahse a tawng bul lamah chuan alkatra tih kha a dik zawk si a. Tawng thar chher chungchangah hian hnam dang pawh an buai ve tho mai.

Vawi khat pawh Eskimo tawngin Lk. 15: 7 thu, “Mi fel sawmkua leh pakua sim chuan tur neilote ai chuan mi sual pakhat sim chungah vana mi an lawm zawk ang” tih thu hi an letlling dawn a. Eskimo tawngin lawm (Joy) tihna hi an lo nei si lo va, tihngaihna hre lovin a letlingtuho (Translators) chu an thu thap mai a. Chutia a ngaihna hre lova an thut thap lai chuan ui pakhat, lungawi taka saruh khel chunga mei rawn hem vat vat hi a lo kal a, chumi an hmuh chuan he lai thu hi ti hian an let ta a, “…Mi sual pakhat sim avangin vanramah chuan mei vaina a awm ang” tiin.

Zir mite thusawi a chu ro:

He ngaihdan hi a chak hle mai, Pathian thu zir tura ATC-akanluh thlenga mi thenkhat min fiamna thin chu, “I rawn inzir da ang nge” tih a ni. Theologykanzir hian Bible bakah thil dang tam tak,kannun pengtin tawk chi eng pawh hi chukankhawih a ni mai a. Bible pawh hi a chik thei ang berin, a tlin lohna lai leh a dik tawk loh theih dan thlenginkanzir. Mahse chu chuan thlarau nun a vuak chauh aiin Pathian thu ropui zia min hriatchian tir zawk a. Thlarau nun vaw chau theitu nih ai chuan tichaktu a ni fo zawk.

Thenkhat chuan zirmite Bible hrilhfiahna chu, ‘âwm e bu,†‘an ti bu†a ni ngawt a lawm an ti thin. Chiang taka a dikna sawi mai theih loh hi a tam reng a. Rev. C. Rosiaman, “Hriat chian theih lohna pui chu intihhrîat kan tum lo hi kan huai vena tak a ni a. Thenkhatin, ‘A ni chiang†an tih leh keinin, ‘niin a lang†kan tih hi a nih lam chu a intlûk tho vang” a tih ang hian, hriatfiah theih loh avanga ‘a pawmawm deuh†tih thu pawh hi huat ngawt chi a ni lem lo va. Hetiang duh lo avang leh tawngpawng basa ngam avanga kan rah pelh tak pheng phung pawh hi a tam reng a nih hi.

Kan rama zirtirna pênhleh leh nawi tê tê lo chhûak thin hi zirmite hmuh rona avanga lo zi chhûak deuh vek an ni a. Mahni awmhawp thu tihrâu chiam avanga pawl hran din emaw, a dika dawk pawh thlu lova ngaihdan filawr tê tê vûan chunga kohhran kan chhuahsan duh zel mai thin hi chu Pathian thu kan zir peih loh vang a ni khawp mai. Bible thu lak dana kan inlak conservative lai hian practical-in kan nun a liberal lawi si thin a. Thutak kal pel thaka nuam ûm chunga thlarau chan hi kan peih tawk a ni fo bawk. Zir mite thusawi a ro kan tih fona chhan pawh hi thu tak, kan nun vaw nghettu tak tak aia thu ngaihnobei leh chûai nghah zawk kan thlakhlelh vang a ni ziah bawk. Pastor senior pakhatin, “hlimpui tham chu kan chang tawh a, tuarpui tham kan la chang lo” a tih ang hi kan ni. Thu taka kan luh dawn tak tak hian thu lau thlakhlehna hian min pawt chak a. Nun ruak zain a tur chhûah, a hut hut bakah pangchanna reh thei lo, duat liak liak ngai nun hi kan kalpel thei lo fo va, hruaitute tana hlo har kan chang fo thin reng a ni.

Thu tlangkawmna:

Bible thu hrilhfiah dan dik tawk loh avanga dam chhung hun pawh lungngaia hmanga, khawtlang tan pawha mi hnâwksak sawi tur an tam ta hle. Zirtirna dik lo leh firfîak tak tak hi kan la tawng dawn chauh, chu chu Bible-in hun hnuhnunga lo thleng tura a sawi kha a ni. Kan ringtu nun kawngah pawh hian min rawn su dawt dawttu, beidawnna leh lungngaihna manganthlak, hriatthiam har tak tak kan la tawk zel bawk ang. Chutiang hun harsa laka kan himna tur leh kan innghahna tur chu Pathian thutaka din ngheh leh chumi atana lo invenna tura Pathian thu hi a chinchhûaka kan zir a ngai a. Lûhchilha Theological College-a lut ve thei lo tan pawh mahni phak tawk ang anga kan lo inzir hi a tul a ni. Mihring hian kan tuipui zawng chu kan sawi thiam theuh mai. Thalaite zingah pawh Premiere League tih vel chu kan sawi thiam khawp mai. Nu mawl te tea kan ngaihte pawhin an tuipui zawng an pasal fanaute chungchang chu an sawi thiam viau zel bawk. Chutiang chiah chuan Pathian thu pawh hi tuipui avanga sawi thiam ve theih tho a ni bawk. Zir thiamna avanga ro tura inngaih emaw, zir mite thusawi hul bik tura ngaihna awm ziah hi chu kan paih bo a ngai a ni.

(He thu ziaktu Laldintluanga hi South Sabual khuaah lo piangin, kum 2009 khan ATC atangin B.D tha takin a zo a, kum 2012 ah M.th. pawh tha takin azo leh ani. Amah hi Pathianthu chik tak mai, a chinchhuaka zirpeih, thu leh hla thiamtak mai ani.)

The post THALAITE LEH THEOLOGY appeared first on Mi(sual).

Phuahtu ~ Thangluaii

1. Aw zoram mawi, ka pian ka sei lenna,
Chatuan lal nun zia chawi a hmangaihna,
Leh tlawm ngaihna te ,rinawmna , diknate;
Ngilneihna te nen sir ah an hnawl ta e,
An hnawl ta e

Aw zoram mawi puan ang tharin,
Izan kal chawl tawh rawh;
Chhak lam ni chhuak chuan min rawn en ta e,
Thim athil tih te chu paih in,
Eng thuamin inthuam tawh ru,
Inthuam tawh r’u.

2. Ngai teh kan ram hmangaihtu au aw chuan,
“Aw zoram, i lamlet chuan ka hnen ah.
Lo kir leh la,keimah lo chu Pathian dang.
I nei tur ani lo,” tiin min au,
I chhang dawn lawm ni?

3. Hnam dang sakhaw dang vuantute zawng chuan,
Aw ,an hai leh thin,hmangaih tu au aw;
Hawh teh u, i ngaih tuah chiang teh ang u l,
Keimah lo chu pathian dang nei suh la,
Tiin min sawm e.

The post AW ZORAMMAWI, KA PIAN KA SEILENNA appeared first on Mi(sual).

Tun tumah hian ‘Pathian kan nihna’ a hma lama ka lo post tawh kha sawi zauhna i lo nei dawn teh ang. Hei hi a duh tan en lêt leh theih a ni e:Pathian kan nihna

Pathian chu Pathian a lo nihna hmunah, a nihna ze kim tarlanna te, mihring chu a hringchan tisa leiah lêng mah sela, Nunna Lalram chhunga a nihna tak i lo sawi dawn teh ang.

Kan tisa mihring chu he leia a len vel lai reng hian kan hringnun hriatnaah Lal thu hriattirna a lo thleng a. Chuta Lal inpuannaah chuan, Nunna Lalram chhunga chatuan taksa famkima kan dinnaah chuan mihring ni tawhloin Pathian kan ni tih kan lo hre ta a. Chu chu,”Mihring nihna hlip thlaa Pathianah min siam ta,” angin a rawn sawi a, hei hi tawngkam dang a hman avangin ngaihthiam loh tur leh hriat thiam loh tur a awm lo a ni. Tichuan, Pathian nih thu chu he thuhriltu hian a han puang chhuak ta a ni. Lal mi nihna taka dingte chu chatuan taksa leilunga kan dinnaah chuan mihring ni loin, Pathian kan ni vek a ni. Chu thu chu Lal chuan thuhriltu hringnun hriatnaah a rawn puang ta a. Chu thu chu a han hriat phat chuan Lal chu a fak ta nghal a ni.

“Pathiante dinnaah chuan Pathian chu Lalah a thu e,
Mihringin Lalram a luah thei si lo.”

“Pathian,” a han tih hian, mihringte chu kan sawi tàk ang khan Lalram chhûngah chuan Pathian kan ni a, chu kan nihna tak chuan, “Pathiante,” tiin a han lam a ni. Chu Pathiante zingah chuan Pathian chu Lalah a â–¶hu niin a han sawi ta a ni. Hei hi a dik hle mai. Kan nihna niin kan hre ve hlawm em aw? “Pathiante,” tia vuah kan nih hi.

Hmanlai kan pi leh pute chuan mihring awm khawmna chu, ‘Khua’ an lo ti thin a nih kha. Lungdâr khuaa awmte chu, Lungdâr khua an ni a, “Lungdâr Pathian,” an ni. Khua chu ‘Khua’ a lo nih theihna chhan chu, ui emaw vawk emaw a awm vang a ni lo a; thing leh lung te a awm vang emaw a ni hek lo. Tui a awm avanga Pathian a ni lo. Khua chu mihringte an awm avanga ‘Khua’ ni chauh a ni zawk e. Pi Houdini chu Chhiahtlang(?) khua niin; Aizawlah a lo zina. “Pi Houdini hi Chhiahtlang khua a nih hi,” kan tih chuan, ” Pi Houdini chu Chhiahtlang Pathian a ni,” tihna a ni. A hringchan tisa kha Pathian a ni e, ka ti lo a; Nunna Lalrama a hming tak zawkin ka lam/sawi a nih chu.

Kan pi leh pute chu an awmna khua apiangah an Pathian KHUA chuan a chenchilh a, an Pathian tãn chuan anni chu a khua leh tuite an nih tlat avangin an Pathian khua chuan a chhinchhiah tlat a; chu chu, “Khuavang chhinchhiah,” an tih chu a ni. Tunlai â–¶halai hoin, hmai leh taksa peng dang vuna thil dum awm chu ,”Khuavang,” an ti thin a, a ni lo. Khuavang chu Pathian a nih avangin a hmuh theih loh a, “Khuavang chhinchhiah,” a ni zawk e.

Kristiante chuan an Pathian chu Isua a ni a, an lam zing deuh ber a ni. Mahse mihring a ni a, he mihring Isua hi Pathian ni leh â–¶hin, mihring ni leh â–¶hin anga an inzirtir hi a dik lo. PATHIAN chu mihringah a cheng ngai lo a, mihring pawh Pathianah a cheng ngai hek lo. Mihring thlah chu mihring niin Pathian thlah chu Pathian a ni. Mihring chuan Pathian anna pawh a nei lo a, Nunna Lalramah chiah chuan Pathian kan ang thei a ni. Amaherawhchu, chutah chuan Pathian kan ang a ni mai tawh lo a, a nihna tak zawkah chuan Pathian tak kan ni zawk. Pathian kan an chuan, Pathian kan la ni lo tihna a ni.

>>>>MI NUNG NIHNA<<<< ka la rawn post leh ang.

The post LALRAMA MIHRINGTE PATHIAN KAN NIHNA appeared first on Mi(sual).

Amah, Pathian Khuanu atanga chhuak nunna chauh lo chu ‘chatuan nunn’ dang reng reng a awm lo.

Mizo hnam min dintirh atangin englai pawhin kan hnenah a awm reng a, auh chawp ngaiin min kalsan ve ngai lo. Amah chu kan engkima kan engkim a ni a; Amah chauh lo chu Pathian dang reng reng an awm lo. Khawvel mihring zawng zawngte Pathian, Khuanu chu a ni.

6. THLARAU (Kristian zirtir dan): Mihring hian thlarau kan nei a, kan thlarauah chuan Pathian laka thiamloh chang kan ni. Chu thiamloh channa chu min thlahtu Evi leh Adama bawhchhiatna vang a ni. Isua kan rin loh chuan kan thlarau chu hremhmun (meidil)-ah a tla ang a, Isua kan rin chuan vanramah Amah nen kan kal ang. “Ka thlarauin a zawm ta; Krista grape nung chu. Rei tak ka lo thlahthlam ta; mahse ka nei leh ta” an ti.

THLARAU (Mizo Sakhaw Dinna): Mihring tumahin thlarau kan nei lova, kan lo pian hian thlarau kan pian chhuahpui reng reng lo. Mipa chi le hmeichhe chi infin atanga mihring a lo pian hian mipa chi-ah thlarau a awm lova, hmeichhe chi-ah thlarau a awm hek lo. Chi ve ve a lo infin khan mihring hi a rawn insiama, kan lo piangchhuak mai a ni. Mihring insiam fel hnua thlarau lo awm chawp ve a i ngai a nih chuan; mihring boral rualin chu thlarau lo awmchawp pawh chu a boral ve leh tho dawn a ni.

Mihring thih hnua hremhmun a tla thei emaw vanrama kal thei emaw thlarau kan pianchhuahpui reng reng lo.
Mihringte hi khawvel enkawl tur leh Siamtu Khuanu aiawha ding tura ruatte kan nih avangin kan hring lam taksa thihni a ranrual thite anga kan tawp hlen nghal phal lovin; Amah kan Pathian Khuanu anga kan lo chatuan ve theihna turin Chungkhuanu chuan amah atanga chhuak ‘NUNN’ chu min pe a, chu nunna Pa atanga kan chan/neih chu kan ‘thlarau’, kan ‘nunna’ chu a ni zawk.

Pathian, khuanu atanga kan chan kan nunna thlarau hi tlan leh chhandam ngaia pek kan ni lova, hremhmun kal tura pek kan ni hek lo. Lei lama piang a ni lova, van lama piang Pathian Khuanu aâ–¶anga kan dawn a ni a, tisa mihring thih hnuah Chatuan Pa angchhunga awm kumkhua tur chu a ni a, Pialral luahtu chu a ni.

7. HREMHMUN (Kristian zirtirna): Hremhmun(meidil) a awm a, chu meidilah chuan Juda-mi Mari fapa Isua ringlo tute chu an thih hnuah an thlarau chu a tla dawn a ni. Isua ringlo reng reng chu miâ–¶ha engang pawh ni re an tla dawn tho a ni; engang a misual pawh Isua ringtu chuan Isua zarah meidil chu a pumpelh dawn a ni. ISUA chu misualte â–¶hian a ni si a.

HREMHMUN (Mizo Sakhaw dinna): Mihring sualna reng reng hi mihring tisa-ah vek a ni. Tisaa sualna thiamloh channa pawh tisaah vek seng zel a ni a, misual chuan a sual man chu a hringnun tisaah a tuar a, a thlah leh a tuchhuan thlengin a tuar thei â–¶hin. Thilsual titute hremna hi tumahin an pumpelh theilo.

Sualna avanga tuarna lo awm hi ‘hremhmun’ a ni a, mihringin thlarau hrem tur chi a nei lova, thlarau tlakna tur chi meidil a awm hek lo. Mahni mihringpui leh thilsiam tinreng chunga dikna, rinawmna leh tlawmngaihna ataka hman tlat chu hremhmun pumpelhna lamtluang a ni.

8. Vanram (Kristian zirtirna): Isua ringtu thi tawh zawng zawngte thlarau kha vanah Isua hnenah an awm a, Isua van atanga a lo chhuk leh hunah Isua ringtu thi tawh an ruang leia an phum tawhte kha kaihthawhin an awm leh vek ang a, Isua ringtu la thi velo lo la dam hote kha thi ve kher lovin chung mitthi tawhte ruang kaihthawhte nen chuan vanramah a hruaichho leh vek dawn a ni. Tichuan kan unau â–¶henkhatte nen khan vanah kan intawk khawm leh vek dawn a ni.

PIALRAL/VANRAM(Mizo Sakhaw dinna): Pialral/ Vanramah chuan mihring, hmeichhe hrin reng reng hi luh theih a ni lova. Mihring lei lama chhuak zawng zawng chu an chatuan ram leilungah an kir leh vek zel a ni.

Pialral/Vanram neitu ChungKhuanu chuan a chenna Pialral luahtu tur chuan Pathian Khuanu nilo tan luah theih a nih loh avangin mihringah chuan Ama nunna chu a dah a, chu ‘Pa nunna’ kan chan chu kan nunna, kan thlarau, kan van taksa chu a ni a. Chu chu hmeichhe hrin nilo Pathian, Khuanu hrin a ni.

Kan nunna chuan kan tisa damlah ngei pawh hian Pialral(Vanram) chu kan luahsa reng tawh. Kan tisa thihniah chuan kan van taksa, kan nunna, Pathian kan nihna taksa chuan Pialral chu a luah tlang nial a ni zawk.

Pathian leh Amah atanga nungte ‘Pathian fate’ chenna chu Vanram/ Pialral a nih avangin mihrin pakhatmah an awm lo. Pathian fate chu mihring an ni lova, Pathiante an ni zawk. Kan Pathianna taksa ngeiin Pialral/Vanram chu kan luah a ni.

9. KRISTIAN PATHIAN BIAK DAN: Maimitchhinga â–¶awngâ–¶aiin an be â–¶hin. Heti angin: “Aw Lalpa, kan Pathian..” tiin. (â–¶ul an tih zawng zawng chhamchhuakin a tawpah, ‘chung zawng zawng chu kan sual chhiar renloh ngaihdamna nen Isua Krista hmingin kan dil a che,” an ti â–¶hin).

â–¶awngâ–¶aina hi Pathian biakna bulpui ber a nih avangin an uar em em mai a, inkhawmnaah te, chaw ei dawnah te, pianniah leh thihniah te an â–¶awngâ–¶ai zel a, (Bible a ziak ‘Pathian hming lam apiang chuan sual kalsan rawh se’ tih erawh chu an hmang reng reng lo niin a lang).

The post MIZO HNAM SAKHAW DIK PHOCHHUAHNA – II by. Rorelliana appeared first on Mi(sual).

▶awng▶ai baka an Pathian biakna dang leh chu- inkhawm, thilpek, zaikhawm, lâm leh ▶awnghriatloha zai leh Isua thu sawiin an Pathian chu an be bawk ▶hin. (▶awng▶ai nasa ber ram, ▶hatpui lem lo Kristian niin a lang)

MIZO SAKHAW PATHIAN BIAK DAN:
Min siamtu Pathian, Chungkhuanu chu englai pawhin kan hnenah a awm reng a, keimahniah hian hmuh loh leh hriat loh pakhatmah a nei lo a, auh chawp ngaiin a awm hek lo.

Kan Pathian, Khuanu chu chuan kan mihringpuite leh thilnung tinreng leh kan chenna khawvela thil awm zawng zawng chunga rinawmna, dikna leh tlawmngaihna leh hmangaihna hmanga Amah be turin min ti a ni. Entirnan: Director pakhat chu a kutah sum eiruk theih a tam em em mai a, nimahsela a eiru duh hauh lo mai. “Pu Director, enga tinge i eiruk duh hauh loh,” tia zawhna chu, “Rinawmna leh dikna hi ka Pathian biakna chu a ni,” a ti a.

Kan Pathian Khuanu vanga he Khawvela rinawmna, dikna, tlawmngaihna leh hmangaihna ataka kan hmanna hi Pathian, Khuanu biakna dik chu a ni. Kan tisa hringnun chunga thuneihna sang ber kan hlanna kha Amah kan biakna thûk leh rilber chu a ni.

Awráwl chhuaha au vak vak a ‘Pathian kan bia’ tih hi Pathian chu mihring ang chauha dah vang mai mai a ni.

Kan Pathian, Chungkhuanu chu thiltih leh ti takzeta nun zawng zawnga biak zawk tur a ni a, ngawi reng mah la i Pathian duh zawnga i nun tlat chuan Siamtu Khuanu chuan a chhanglet ngei ngei dawn che a ni. ‘â–¶awngin ka bia’ ti la sawi â–¶euh mah la i nunpui si loh chuan chhanin i awm dawn chuanglo. Nun hi Pathian biakna tak chu a ni si a.

10. KRISTIAN BIAK: Kristian tam zawk chuan Pathian leh Thlarau thianghlim leh Mari fapa Isua an be kawp vek a, ‘intluktlang a biak leh rintur a ni’ an ti. An sawi hrang vek a, pumkhat anni an ti thung. Heti angin: ‘Aw Lalpa, kan Pathian… I thlarau thianghlimin min awmpui la… Chung zawng zawng chu Isua hmingin ka dil che’ an ti â–¶hin a ni.

MIZO SAKHAW BIAK DAN: Mizo Sakhuaah chuan engkim siamtu Pathian, Chungkhuanu chauh hi kan biak leh kan rin leh kan innghahna a ni a, Amah bak biak leh belh tur dang pakhatmah kan neilo. Amah Chungkhuanu chu thlarau a ni a, nunna a ni bawk. Engkim mai hi Amah a▶ang leh Amah vang leh Ama tâna lo awm vek an ni a. Chungkhuanu leh Zofate hi kan inkarah tumah awm lovin kan inbe tawn bawk a ni. Hnam dang chanchin hmang leh midang kaltlanga Pathian biak hi milem biakna diktak a ni zawk.

SAWICHIANNA

Zofate Kristiana kan inleh a, Bible Pathian thu a kan pawm aâ–¶ang kha chuan kan hnam, Mizo hnam leh kan ram, Mizoram chanchin ziah ve reng reng lohna Bible, a chhunga Israel hnam leh ram chanchin chauh inziahna chu Pathian thu berah an ngai ta a. Chu chuan Mizo Kristian rilru zawng zawng chu Israel ram leh hnamah a pemtir ta vek a ni. Mizoram leh hnam chu Khawvel thila ngaiin Pathian thu lam hawi reng rengah chuan hnuchhawna hawisan a lo ni ta a ni.

Zofate hi Evi leh Adama awm hma daiha khawvel lo luah tawh hnam kan nih angin, bawhchhiatna thuthlung hnuaiah khan kan tel reng reng lo. An bawhchhiatna avanga thlahte thlenga Pathian laka thiamloh chang an nihna tlanchhuak tur leh chhandam tur a lokal nia an ngaih Mari fapa Isua kha Zofate tlantu leh chhandamtu a nihna reng reng a awm ve lo.

Evi leh Adama thlah kan ni lova, an bawhchhiatna avanga an thlahte a kaltlang thisen sual mawh chu an thlah ni reng reng lo keini-ah a pakai thei hek lo. “Israel hnam beram bo hnenah lo chuan tirh ka ni lo,” tiin Isua khan a sawi chiang.

Amah Hi Juda mi Mari fapa Isua; keimahni ang tho, mihring dik tak, mihring dangte aia Pathian deuh bik ni chuang reng reng lo, mihring fapa a ni tihah hian chiang i la. Israel ho zinga an hnam dan kalh hmiaha rawngbawltu a ni.

Thil mak tih theihna leh mitthi-kaihthawh-theihna neiin Bible-in sawi mahse ama tih a ni reng reng lo; a tirtu Pathian thiltihtheihna a hmang a ni zawk. Sakhaw dang Hindu-ah Rama te, Buddhist-ah Buddha te, Muslim-ah Muhammed te ho pawh hian mi tihdamnate, mitthi kaihthawh theihna leh tilmak tam tak an ti tho.

Anni pawh hian Pathian thiltihtheihna an hmang vek tho a ni. A tu-a-mah hi Pathian Khuanu anga biak tur an ni reng reng lo.

Kan ram kan hnam siamtu, tuna kan chenna Zorama min hruailuttu, Juda thlahtu Evi leh Adamate pianhma daih atâ–¶anga Zofate kaihruaitu, chunga mi Chungkhuanu hlamchhiah phah â–¶hak nan a Isua kan hmang ta mai hi chu kan ram leh hnam hi chuan a chhiatpui tak meuh meuh a ni.

The post MIZO HNAM SAKHAW DIK PHOCHHUAHNA – III by. Rorelliana appeared first on Mi(sual).

Zoram Kristiante hi Kristian sakhuanaah an sangin an tui em em a. Inkhawmho-ahte, zaipawlahte, Isua thu hrilahte, thawhlawm thil pekahte, biakin sak ropuiahte, missionary tirhchhuah lamahte, thawhlawm khawn taimakahte, Isua faka zai leh lamahte, â–¶awngâ–¶ai nasat-ahte hian khawvel ram dang Kristiante chu an khum vek ngeiin a rinawm.

Zofate hi Kristian inti vek si hian kan ram hruaitu luber aâ–¶anga BPL leh AAY thlengin, kut hnathawktute, sumdawng zawng zawngte, sawrkar hnathawk zawng zawngte, zirlaite, Zoram a pawl zawng zawngte leh kohhrante thlengin an vai mai hian an mahni hamhaia an han phe ta sung sung mai hi chu an biak Isua zirtir dan emaw ni ta le?

Mizo hnam Kristianah hian khawiahnge rinawmna, tlawmngaihna leh dikna a awm zawh tak le? A-tu-amah kan inringzo tawh si lo. Roreltute lah indem tawn bawih bawihna ram, thil ▶ha thawk hlei theilo roreltu nita vek mai le! Isua hmangaihna thûkzia leh Israel ram leh hnam chanchin sawi zel hian dawt sawi leh ruk ruk bansan chuang lovin Zoram hi kan luah reng mai dawn em ni?

Mahni ram leh hnam tlansan daih sakhua hi hnam hmelma sakhua a ni. Zofate hi Kristian Sakhua min rawn zirtira, kan pawma, kan ring ta hmiah mai a. Khawvela sakhaw â–¶ha ber emaw kan ti lehnghal! Kristian sakhaw kengtu Bible-ah hian. Mizoram leh Mizo hnam pakhatmah a inziah ve loh avangin Zoram leh Zofate tana belrem awm a kan ngaih lai Bible changte thlangchhuakin kan ram leh hnam tan sawi dik hram hram leh thlen dik tir tumin thusawitu reng rengin â–¶an an la ngat ngat â–¶hin. Bible chu an rin tak em avangin ‘helai bung leh chang hi kan ram leh hnam sawina a ni’ te an ti a, a khawilaiah mah hian kan ram leh hnam sawina a awm reng renglo. Tuna Mizo Kristian dinhmun tak hi chu: chhungkaw pa berin an â–¶henawm pa sania man tamzia leh an â–¶henawmte chuan an eia tui an tih zia a fte zinga uluk tak leh taima taka sawiin an chhungkua a zirtir a; a fate zinga a hrethar apiangin an hlimpui ve em em ang hi a ni.

Zofaten Pathian thutak kan hriatchian hunah chuan kan pi leh pute chanchin leh kan hnam kalzel chanchin leh tuna kan luah Zoramte hi kan tan Pathian thu a ni tih hriain ram dang chanchin reng reng changthlan tawh lovin kan hnam chanchinah chuan kan tui em em tawh ang.

Amaherawhchu, heti khawpa kan chhiat lai hian hmasang kan pi leh pute kennun reng, vawiin thlenga fam la changlo; chhiatrupna(thihna) te lo thlen changa hnam tlawmngaihna ze nung chuan hnam a la tuam reng a. Hetah pawh hian Kristian â–¶halai lama â–¶angkai aiin inkhawm kawng zawh lemlo zu ruih chinga an ngaih mai mai ho hi an â–¶uan a â–¶ha zawk a ang hle mai!

Zofate kan â–¶hanharh hunah chuan Kristianna hi kan hnam sakhua a nilo tih kan hria ang a, kan ram leh hnam mi hruai thlengtu hi engkim siamtu Chungkhuanu a ni tih kan hre chiang tawh ang, kan ram leh kan hnam hi Pathian thu a ni tih kan hre tawh ang. Kan ram roreltu MLA rualte chuan Chungkhuanu thua rorel an ni tih an inhre vek tawhin rorelna dikloa rorel an hlau hliah hliah tawh bawk ang; Khuanu pawikhawih an ni tih an inhriat tawh dawn avangin. Chuti ang zelin sawrkar hnathawk zawng zawngte leh mitinin an thiltih tinreng Khuanu thu a ni tih an hriat vek tawh dawn avangin dikna chuan ramah ro a rel tawh dawn a ni.

Chutih hunah chuan min siamtu leh nunna min petu leh chenna ram min petu Khuanu chu kan khua leh tui hmangte, kan luitui luang leh thlifim hmangte, kan thing leh mau, leilungte leh kan buh leh bal hmangte hian fakna leh chawimawina kan hlan tawh ang. “Jordan luikamah ka ding a..” ti a Pathian fak tawh lovin Tlawng luikamah ka ding a, a tuiin Zawlkhawpui kan chawm a, a kama balu-in in kan sa mup mup a, a luidunga thlai tharte chuan kan inchawma, chu ngei hmang chuan Lal kan fak tawh ang. Jerusalem hmanga Lal fak kan bang tawh ang a, Zawlkhawpui hmangin Lal kan fak vek tawh tawn a ni. Kristian nih avanga rinawm leh dik nih tumnate chu ataka ramah a parchhuah theih loh avangin Mizo i nih avang leh Mizorama awm i nih avang zawka i rinawmna chuan neitu nihna a phawk nalh mai a. Kan ram leh kan hnam hi Zofate tan Pathian thu a ni tih hriain ram leh hnam pawi khawih chu Pathian pawi khawih tih leh ram leh hnam tana rinawmna leh diknate chu Pathian chunga rinawmna leh dikna ani tih kan hre tawh zawk ang. Chutih hunah chuan hnam khat, sakhaw pakhat Mizo Sakhua-ah kan awm vek tawh ang. Tunah erawh chuan Bible-in min â–¶hendarh vek a, khaw khatah pawh pawl hrang tam takah, chuti ang zelin chhungkaw khatah pawh pawl hrang inphel darh nuaia kan awm hi Kristian Bible hrinchhuah a ni a, a â–¶halo em em a ni.

Aw Zoram mipuite u, in ram leh hnam hmangin Khuanu chu bia ula, i ram leh hnam chu Pathian thuin luah zawk rawh u. I ram Zoram i hnam Zo hnam leh siamtu Chungkhuanu chu inkawp tlat, thliar hran theih loh chu a ni.

Khawvel mihring ten mihringa lo piang Pathian anga biak kan bansan hunah chuan engkim siamtu Pathian pakhatah chauh kan fuankhawm tawh ang a, chutih hunah chuan khawvel hnam zawng zawng sakhaw pakhatah lawiza tawhin sakhua avanga indona a awm tawh ngai lovang.

The post MIZO HNAM SAKHAW DIK PHOCHHUAHNA- IV by. Rorelliana appeared first on Mi(sual).

“Hriatna dik chu finna leh nunna bul a ni a, hriatna diklo chu khawngbona leh thihna a ni.”

Kristian Sakhua leh Mizo Hnam Sakhua a Danglamna:

1. KRISTIAN SAKHUA: Israel ram leh hnamah Juda mi, Mari fapa Isua-ah bul â–tanin, Isua rin chauh loh chuan vanram kai theih a ni lo. Isua chauh hi khawvel zawng zawng chhandamna chu a ni. Isua hming lo chuan Pathian pawh biak theih loh, Isua-a awm lo chu tumah Pa hnen an thleng dawn lo, Pathian hnena thil dil dawn pawhin ‘Isua hmingin kan dil e’ ti thei chauh Kristian an ni.

Isua rin hi vanram kaina a ni tih leh a ringlo chu hremhmun-ah tlak tur a ni tih hi Mizote chuan kum 1894-ah sapho min rawn hrilh atang chauha hre tan kan ni.

MIZO HNAM SAKHUA: Leilung piantirha Mizo hnam min din tirh atanga min siamtu Pathian, Chungkhuanuah bul â–tanin, Amah atang leh Amah vang chauha thil zawng zawng hi lo awm a ni tih kan hria. Pathian, Chungkhuanu nunna chauh lo chu mihringte tan nunna dang reng reng a awm lo. A nunna min pek chauh kha kan ‘Chatuan Nunna’ a ni tih kan hria.

Hmeichhe hrin zingah chatuan nunna min pe thei pakhatmah an awm lo tih kan hria. Chungkhuanu chauh hi biak leh rin tur awm chu a ni a, Amah chauh chu engkim siamtu Pathian a ni si a.

2. ISRAEL HNAM LO AWM â–tAN: Eden huanah Evi leh Adama-ah khawvel bul an â–tan a, he an bulâ–tan kum hi mithiamte ziaka kan hmuh angin B.C. 4001 lai vel chauha sawi a ni a. Ziaktu â–thenkhat chuan B.C 4004-ah ani a ti a. B.C 4004 aia hlaah chuan an chhût thei lo a ni. Chuvangin tun hma kum 6000 zen zawn vela awmâ–tan chauh an nih chu.

MIZO HNAM LO AWM â–tAN: Mizo hnam lo awmâ–tan hi engtia rei leh hla nge tih hriat rual a ni lova. Kan hriat hlat theih ber atangin han pho chhuak rawi mai ila: (Leilung piantirh a mihringte a din laia Khuanu din hnam kan ni tih chu kan hria).

Kan hnam hi kan pi leh pu hmasang aâ–tanga nausen hlamzuiha thi hlumbela indah a inphum â–thin kan ni a, tuna kan chenna Zoram kan luah hnu pawh hian nausen hlamzuiha thi hlumbela indaha inphum an la awm nual a ni.

Kum 1977 khan Russia mithiam ten Siberia ramah khian nausen hlumbel chhunga dah, thla ruk mi vel an hmuchhuak a, kan Mizo sulhnu ngei a ni tih a chiang a. Chu chu engtik hun ami nge a nih tawh tih enfiahin an zir chiang a, tun hma kum 1,20,000 daih a mi kha a lo ni tawh tih an hmuchhuak. Evi leh Adama pian hma kum 1,14,000-ah pawh khan khawvel hi kan lo luah daih tawh tihna a ni.

Kum B.C 5,000 pawh khan China Yan Province-a Lungleng, Lungtian, Thakthing khuaah khian kan lo cheng tawh ngei a. Hei pawh hi Evi leh Adama pian hma kum 1000 vel chu a ni tho mai. Zofate hi hnam upa, Khuanu aâ–tanga bul â–tan kan ni.

3. MIHRING(KRISTIAN ZIRTIRNA): Mihring lo piang chhuak reng reng hi chhe lailet der, â–thatna reng reng neilo a ni a, a lo piantirh atang hian Pathian laka thiamloh chang, thil tha reng reng ti thei lo, chatuana hremhmuna tla tur, boral fa chu a ni.

MIHRING(MIZO SAKHAW DINNA): Pathian, Khuanu’n mihring a din tirh atanga kan lo piang chhawng chho zel hi A remruata lo piang zel kan ni. (Misual chhe lailet derin min piantir lo) Chatuan Lal, kan Pathian, Khuanu remruatna ang zawka lo piang vek kan ni a. Setana piantir kan ni lova, ramhuai piantir kan ni hek lo.

Kan lo pian hian Pathian, Khuanu rem tihna leh remruata lo piang kan nih avangin Pathian thu kan ni nghal a; Pathian, Khuanu kuta awm kan ni zawk.

4. MIHRING THIHNA LEH SUALNA LO AWM CHHAN (KRISTIAN PAWM DAN):
Juda thlahtu Evi leh Adama-a te nupa bawhchhiatna avang hian mihring thihna leh sualna hi lo awm a ni a, chuvangin mi zawng zawng hi misual an ni, thihna hi a lo awm phah bawk a ni. (Thei kha ei kher lo se chu mihring hi kan thi dawn lo ni awm tak a ni!)
MIHRING THIHNA LEH SUALNA LO AWM CHHAN (MIZO SAKHAW DINNA): Pathian, Khuanu’n mihring a din tirh atangin thi leh thei tura a din kan nih avangin thihna hi lo awm a ni a. Thilnung lei lama siam reng reng hi thi leh vek tura siam kan ni a, dam hlen tura siam pakhatmah a nei lo.

Chungkhuanuin mihring a siam hi khawvel enkawl tura a siam a nih avangin duh theihna leh duh theih lohna te, sual ngaihtuah theihna leh â–tha ngaihtuah theihnate anmahniah a dah tel nghal vek a. â–thatna mihringah a inâ–tan a, sualna pawh mihringah a inâ–tan thin. â–thatna kawng zawhtu chu mi â–tha chu a ni a; sualna kawng zawhtu chu misual chu a ni. Khawvel mihring zawng zawngah â–that theihna leh sual theihna hi a awm nghal zawk a ni.

5. KRISTIAN HNNGHAHNA: Juda tlangval, Mari fapa, Isua kha ‘kan nunna a ni a, min tlantu a ni. Ani chu lei leh van lal ber a nih angin lei leh vana thuneihna zawng zawng neitu a ni. Isua chu kan engkima engkim a nih avangin, mitin thinlungah lalber rawh se. Zoram dungtluanah Isua lalber sela, Amah chu lalber a ni si a,’ an ti.

MIZO HNAM SAKHAW INNGHAHNA: Thil awm zawng zawng siamtu Pathian Khuanu hi kan ‘nunna’ a ni a, mihring zawng zawngte hi Ama siam leh kutchhuak vek kan ni.

Kan Pathian Chungkhuanu hi lei leh van lalber a ni a; Zofate hnama min dintu leh tuna kan Zorama min hruailuttu a ni bawk.
<>

The post MIZO HNAM SAKHAW DIK PHOCHHUAHNA ~ I

by- Rorelliana
ph: 9612207107 appeared first on Mi(sual).

Lal inpuanna Lei hriatna hruaitu Mosia ka ni,
Ka hriatnaah ka tar ta e, Lal thuthlung phurtu hi;
Kalvary tlang Moab-ah ngei,
Kei zawng ka fam dawn ta si a;
Tunah \apin ka thlir Moab kawnah,
Van Kanaan ram, khawvel thar lo ding hi.

Israel Lal chhungkua, leithar kanaan a lutte chu,
Nunna faah Lalpa’n min din chhuahtir ta e;
Lal thuthlunna ram ruang ka rawn chuh mek a ni,
A pasal lei hriatna ka thah sak mek,
Bawih laka chhuak, ram nu neih a thiang ta.

Lei hrehawmna tisa hruaitu, thim lal hi ka ni e,
Ka kiang ngang e, tlailam hringnunah ni a chhuak mek e;
Thlarau khawvel lei tisa kha, chatuan mite ram a ni e;
Isua thisena thiamchang ram a ni,
Ka kaihhruaina min zawmpui tawh si lo.

Tisa thisenah ka piang a, lei hriatna Isua hi,
Tuna Isua, ka kraws ngeia khenbeha ka awm hi;
Hmanah Lalpa’n a tarlang e, a fa duat tlantu Isuaah,
Tunah hlanin a awm mek ta a ni,
Lal ruat, ka ni bi a kim ta e.

Thlarau khawvel ka zawng hmu, lei hriatna phenah hian,
Keini vanga hrehawm tuartu, thlarau khawvel chuanin;
Rah \ha a chhuah hnam tinte tan, amaha ding chhuak zar tinte’n,
Chungleng savate’n a zar an bel ta,
Lal ngaihngamna ram tha leilung a ni.

The post LAL INPUANNA LEI HRIATNA HRUAITU MOSIA KA NI appeared first on Mi(sual).